SubsCrew

Вантан руу гэнэт дайрснаар болж тэмцээн үймээн самуунаар солигдов. Энэ үед Такато өөрийгөө Муцу овгийнх гэдгээ зарлана. Ингээд Муцу Такато-той Яагюү Шинкагэ урлагийн түүхэнд хамгийн хүчтэй тулаанч болох Яагюү Жүбэи тулалдана. Муцу хэмээх зэвсэггүйгээр хүн алдаг урлаг. Жүбэи хэмээх хүчтэй хэн ч байсан хамаагүй алдаг хүн. Энэ хоёр араатны хэн нь ялах бол? Шура но Токи 14: Араатан ангиас үзнэ үү!

Цэргийн Тэмцээний эхний тойрогт шалгарсан 7 тулаан ч бол

• Нитэн Ичи Урлагийн Мияамото Иори
• Муцу Энмэи Урлагийн Муцу Цубура
• Яагюү Шинкагэ Урлагийн Яагюү Жүбэи
• Оно-ха Итто Урлагийн Оно Тадацүнэ
• Яагюү Шинкагэ Урлагийн Яагюү Хёогоносүкэ
• Тода Урлагийн Тода Шигэяасу
• Такато \Урлаг тодорхой бус\

Эдгээр тулаанчид хоёр дахь тойрогтоо орж хэн нь шилдэг болохоо харуулна.

За, энэ aegisub гэдэг програмыг хэрэглэж эхлээд нэг сар болж байна уу даа? Манай багийнхан ч гэсэн нэлээд хэдэн анги гаргачихсан байна. Тэгээд гарсан анименүүдээ үзээд байсан Монгол хэлний дүрэм гэж ёстой алгаа. Ёстой л дураараа бичээд л. Тэгээд миний бие үүний эсрэг юу хийх ёстой хэмээн сэтгээд мань програмаа ухаж суутал "Spell Checker" гэдэг функц байх юм. Үг үсгийн алдаа шалгах гэж. Гэхдээ ажлаад ч байгаа юм уу? үгүй юм уу? бүү мэд. Тэгсэн лав л буруу бичсэн англи үсгүүдийн доогуур улаан зураас гарч байх юм. Тэгвэл Монгол хэлнийх байдаггүй юм уу? гээд хайлаа. Манай бүхнийг мэдэгч Гүүгэл ахаасаа асуув. Тэгсэн хэл нэмж болдог гэнээ?! Яаж?

Манай Aegisub програм маань үг үсгийн алдаа шалгагчаа Hunspell дээр суурилсан байдаг юм байна. Учир нь гээд хөөрхөн тайлбарлачихсан сайт дээрээ байна. Даанч чухам яаж нэмэх, ашиглах талаар заавар зөвлөгөө ч алга. За энд аз чинь таарвал толиуд байгаа гэсэн нэг сайт байна. Орлоо, үзлээ, Монгол гэж алга.

Одоо арай өөр аргаар үзнээ. Hunspell-ийг бол миний мэдэхээр Openoffice (Linux дээр бол Microsoft Office л гэсэн үг)-д дээр үндсэн алдаа шалгагчаар явдаг. Мөн Openoffice маань нээлттэй эхтэй учир аль хэдийнээ Монгол хэл рүү хөрвөгдсөн болоод Монгол хэлний үг үсгийн алдаа шалгах толь ч Hunspell дээр гарчихсан байсныг саналаа. За тэгэхээр Aegisub Hunspell-ийг дэмждэг юм бол Openoffice-ын Монгол хэлний толь болж л таараа гээд тэр толио татчихлаа. Одоо яаж суулгах вэ? За тэгээд ухаж ухаж, ухантаж, ухантаж нэг юм учрыг нь олсон. Цаашид тэгээд Монголоороо алдаагүй бичицгээе! Хэ хэ.

Яаж суулгахыг нэг харчих уу?



1. Эхлээд толио татнаа хө. Энэ дээр дар.
2. Толио суулгана.
3. Aegisub програмын config файлыг засна.

Виндөвс ах дээр
 
Рар мар гэж байснаас гээд шууд Зип-ээр хийчихсэн байгаа. За тэрийгээ Aegisub суусан хавтасныхаа dictionaries  гэдэг хавтсанд задална.

Өөрөөр хэлбэл манай Зип дотор mn_MN.dic ,  mn_MN.aff  гэсэн хоёр файл байгаа. Тэр хоёрыгоо тэр dictionaries руу хуулна гэсэн үг.


Лайнукс дээр

mn_MN.dic , mn_MN.aff гэсэн файлуудаа зипээс нь гаргаад /usr/share/myspell/dicts гэсэн хавтас руу хуулах хэрэгтэй. Үүний тулд

$unzip MN_dictionary.zip  

гэсэн командаар зип файлаа задлаад

$sudo cp mn_MN.* /usr/share/myspell/dicts

гэсэн командаар задалсан хоёр файлаа /usr/share/myspell/dicts  хавтаст хуулна.


За би гэдэг хүн хөөрүү. За болчихлоо гээд хөөрөөд байсан болдоггүй шүү. Тэгсэн одоо ингэнэ шүү.

Виндөвс ХР-ын хувьд:

C:\Documents and Settings\'User name bna shuu'\Application Data\Aegisub   гэсэн холбоос дээр байгаа хавтас руу орно. Application Data гэсэн холбоос нуугдсан байдаг учраас нуугдсан файлыг нээх гэж байгаад гаргах юм уу? эсвэл шууд дээрх холбоосыг Цонхныхоо хаягын талбар дээр бичээд нэвтэрч болно.

Виндөвс 7 дээр:

Долоо дээр шалгаж үзээгүй байгаа. Гэхдээ нэг иймэрхүү л байх гэж төсөөллөө шүү.

C:\Users\'User name bna shuu'\AppData\Roaming\Aegisub  гэсэн холбоос дээр байгаа гэж таамаглаж байгаа. Админ эрхээр нэвтрүүлдэг шинжтэй. Тэгэхгүй бол хандах эрх олгодоггүй юм шиг байгаа юм.


За тэгээд тэр Aegisub гэсэн хавтас дотор config.dat гэсэн файл байгаа. Тэрийг ямар нэгэн текст эдитор програмаар нээнэ. Виндөвс бол notepad-аар нээчихнэ.Aegisub програмыг ажиллуулаагүй байхад энэ файлыг нээх хэрэгтэй.

Лайнукс дээр:


$gedit /home/'User name bna shuu'/.aegisub-2.1/config.dat гэсэн командаар файлаа нээнэ.

Файлаа нээгээд тэндээсээ spell checker language гэсэн мөрийг хайж олоод утгыг нь mn_MN болгож өөрчилнө.


байсныг нь
Ийм болгоод хадгалаад файлаа хаана. За тэгээд програмруугаа ороод криллээр юм бичээд үздээ.

За тэгээд Fansub-ын нөхдүүддээ амжилт хүсье. Төслүүдээ эх хэлээрээ зөв алдаагүй, чанартай гаргахыг ерөөе.

За, нөгөө хүсэн хүлээсэн Цэргийн Тэмцээн маань эхэллээ. Япон орон даяар алдартай 14-н өөр Урлаг, 14-н мастерууд хоорондоо хэн нь шилдэг болохоо үзэлцэхээр ирсэн байна. Шура но Токи: Цэргийн Тэмцээн ангиас үргэлжлүүлэн үзнэ үү!

Араки Матаэмон нь 1584 онд төрж 1637 онд нас барсан. Эдо-гийн үед нэр нь ихэд түгсэн тулаанч. Матаэмон нь Яагюү Мунэнори(Манай хүчирхэг тулаанч Яагюү Жүбэи-гийн эцэг)-гийн доор Яагюү Шинкагэ Урлагт суралцаж байж. Домогт өгүүлэхдээ Мунэнори гэнэт сэлмээ сугалж Араки-руу дайрахад Араки ердөө хуйлсан цаасаар өөрийгөө хамгаалж. Тэгээд Мунэнори Акари-д багшлах эрх өгч байж. Хожим Яагюү Шинкагэ Урлагийн бие хамгаалах урлаг буюу Яагюү Шинкагэ Урлагийн нударган зодоон хэмээгчийг үүсгэсэн хүн билээ.

Дараа нь Яагюү Жүбэи-гийн зөвшөөрлөөр Яагюү гэсэн овгийг авсан бөгөөд урлагаа Яагюү Шинган гэж нэрлэжээ.


Үүнээс өмнө Матаэмон нь Араки овгийн Араки урлагт суралцсан билээ. Манай хүүхэлдэйнд Матаэмон нь Цэргийн Тэмцээнд Араки овгийг төлөөн орж байгаа.

Араки урлаг бол өнөөдрийг хүртэл уламжлагдан ирсэн урлагуудын нэг билээ. Уг урлагт суралцахын тулд дараах андгайг өргөдөг. Үүнд:

1. Араки Урлагийг эцэг эх, эхнэр, ах дүү, хамаатан садан, найз нөхөд хэн ч бай хэнд ч хэлж болохгүй.
2. Олон нийтийн газар тулалдах юм уу, сургуулилт хийж болохгүй. (Зөвхөн багшийн зөвшөөрлөөр л болдог байж)
3. Бэлтгэлийн газарт бүдүүлэг загнаж, ёсгүй, дүрэм журамгүй байж болохгүй.
4. Архинд өөрийгөө мэдүүлж болохгүй.
5. Багшаас багшлах зөвшөөрөл өгөөгүй байхад хэнд ч зааж болохгүй.
6. Араки урлагийг хэзээ ч буруу зүйлд хэрэглэж болохгүй.
7. Ямар ч үед багшийнхаа сэтгэлийг тавгүйтүүлэх юм уу зовоож болохгүй.

Оно Тадацунэ гэдэг хүний талаар мэдээлэл жаахан муу олдлоо. Оно-ха Итто Урлаг нь Итто Урлагаас удамшсан юм. Итто гэдэг нь "Ганц Сэлэм" гэсэн утгатай. Уг урлагийг Иттосаи Кагэхиса бий болгожээ. Иттогоос удамшсан олон урлагаас Оно-ха Итто нь хамгийн эртнийх нь юм.

Оно-ха Итто Урлагийг Иттосаи-ийн залгамжлагч Оно Жироэмон Тадааки (1565–1628) бий болгож. Яагюү Шинкагэ Урлагийн Яагюү Мүнэноритой хамт хоёрдугаар болон гуравдугаар вантны сэлэмний багшаар ажиллаж байж. Тадааки цаашлан урлагаа улам их өргөжүүлэхээр чармайж байлаа.

Уг урлаг нь урт болон богино сэлмээр 150 гаруй арга мэхтэй. Кири-отоши буюу "Цавчин хаях" гэсэн үндсэн аргатай. Энэ нь өрсөлдөгчийнхөө төв шугамаар цавчиж өрсөлдөгчийнхөө сэлмийг унагааж ялах билээ. Уг урлагийн тулааны үзэл нь "Нэг сэлмийг Арван Мянган сэлэм өргөсөнтэй адил өргөх" гэж үздэг юм. Мөн сэлэмнээс гадна зэвсэггүй тулалддах аргууд ч багтдаг юм байна.

За ингээд өмнө нь чухас тайлбарласан тухай үедээ жадны урлагаар тэргүүлж байсан Матабэи хэмээн тулаанчаар манай Такатог сорихоор болдог. Уг сорилтонд тэнцвэл Цэргийн Тэмцээнд орох эрхтэй болно. Хэрхэн тулалдасныг Нүргээнт Хүрхрээ буюу Цэргийн Тэмцээн хэмээх ангиас хүлээн авна уу!

Тэрэсагийн төгсгөл Клейрийн эхлэл...