SubsCrew

Gungrave японы олон ангит хүүхэлдэйг үзэж дуусгалаа. Над их таалагдлаа. Тиймээс та бүхэнтэй энэхүү олон ангит хүүхэлдэйн тухайн хуваалцмаар санагдан уг нийтлэлийг бичиж байна.



Япон хүүхэлдэйн киногоороо дээрээс л алдартай. Санаж байна уу? Биднийг бага байхад л Үндэсний Олон Нийтийн Телевизээр "Сансарыг Хамгаалагч Болтрон" гэдэг хүүхэлдэй гардаг байж билээ. Миний үеийнхэн андахгүй дээ. "Болтрон нэгдээд", "Болтрон тараад" гэдэг бил үү? \Хэ хэ\ Зөвхөн ганцхан Болтроноос бус маш олон хүүхэлдэйнүүд бий л дээ. Сүүлд гарч буй хүүхэлдэйнүүд Компьютерийн Графикыг сайн ашиглан үнэхээр чанартай гарч ирж байна. Энэ бол зөвхөн гадаад хүчин зүйлс. Хамгийн гол нь хүүхэлдэйн киноны зохиол нь юм. Уламжлалт япон баатарын дүр болох үнэнч шударга, эцсийг нь хүртэл тэмцэх зориг, чармайлт дээр нэмэх нь хошин, хөгжилтэй дүр зургууд нийлээд Япон аниме хэмээх ойлголтыг дэлхий дахины хүмүүсийн толгойд суулгагджээ.

Та бүхний хамгийн сайн мэдэх нь Наруто, Блийч, Үхлийн тэмдэглэл ... да да да... гээд зөндөө хүүхэлдэйнүүдийг Монголын залуус их үздэг болжээ. Тэдгээр залуусын тоонд ч миний бие өөрөө орно. За за шал хадуураад явж байна. Үхлийн Буу хэмээх хүүхэлдэйн тухайгаа ярьж эхэлье.

Энэхүү хүүхэлдэй бол Наруто, Блийч мэтийн хүүхэлдэй шиг биш юм аа. Ер нь та яг кино үзэж байгаа юм шиг л сэтгэгдэл төрөх болно. "Загалмайлсан эцэг" гээд алдартай кино байна даа. Яг тэр шиг. Ер нь бол тийм киноноос л сэдэвлэж хийсэн юм. Италийн алдарт кино найруулагч Сержо Леонегийн "Эрт урьдын цагт Америкт" \Once Upon Time in America\ хэмээх алдарт мафитай киноноос сэдэвлэн уг хүүхэлдэйг Ёсукэ Куродагийн зохиолоор Тошиюуки Цуру найруулагч бүтээжээ.

Хүүхэлдэйн үйл явдлын тухай цухас дурдая.

Гол дүрийн баатрын нэр маань Брэндон Хийт \Brandon Heat\ буюу хожим Үхлийн Дараах Хүн \Beyond The Grave\ гэж нэрлэдэг. Брэндон Хийт бол Харри МакДовел \Harry MacDowell\, Кенни \Kenny\, Жолис \Jolice\, Натан \Nathan\ нар Тэрбумтан хотын гудамжны гарууд.Ким Духан шиг юм уу даа. Нутаг усаа хамгаална гээд л. Тэгээд Деед \Deed\ хэмээн дууддаг гудамжны ахлагчтай сөргөлддөг бөгөөд түүнийг дийлдэг боловч дараа нь түүнийх ах болох "Галзуу нохой" хочит Ледд \Ladd\ өшөөг авч Жолис найзыг нь алдаг.

Галзуу нохой найзуудыг алсаар Брэндон Хийт болон Харри Макдовелл хоёр үлддэг. Тэр хоёр Мариагийн гэрлүү явдаг.
Мариа бол: Брэндон Хийт нэг удаа Мариа хэмээх бүсгүйг дээрэмчдээс авардаг бөгөөд түүнд сэтгэлтэй болдог.
Брэндон Мариатай уулзахаар очиход нь Мариагийн эцэг Жестер Брэндонтой ярилцдаг ба тэр үед Галзуу нохой ирдэг. Жестер Брэндоныг хамгаалж өөрөө шархдан амь алддаг. Жестер бол өмнө нь томоохон хэмжээний мафийн бүлэглэлийн гишүүн байж байгаад гарсан хүн  байсан бөгөөд уг мафийн тэргүүлэгч болох Том Ах \Big Daddy\ Жестерийн охин Мариаг өөрийн халамжинд авдаг.
Энэ үед Харри уг мафид ордог. Брэндон мөн түүнийг дагадаг.


Уг Мафийн бүлэглэл нь хамгийн том, хүчирхэг бүлэглэл юм. Тэргүүлэгч болох Том Ах нь "Саятан" хэмээх компанийг байгуулдаг. Уг компанийн үйл ажиллагаа нь маш нарийн зохион байгуулалт, дарамт шахалт, айлган сүрдүүлэл гэх зэргээр эрх нөлөөгөө тогтоосон. Тэдэнд хууль үйлчилдэггүй. Казино, морин тойруулгын газар гээд л бүх мөнгөтэй холбоотой зүйлс уг компанитай холбогддог.

Тухайлбал хоёр хулгайч үнэт эдлэлийн дэлгүүрээс хулгай хийгээд тохиролцсон агуулахдаа ирдэг. Гэвч энэ бол зүгээр л нэг дээрмийн хэрэг биш билээ. Үүний цаана нь компани байсан бөгөөд уг хоёр хулгайч уг компанийн зохион байгуулалттай хэргийг үйлдэж байгаагаа ч мэддэггүй. Мөн агуулах нь Саятан компани эзэмшлийн байдаг. Тэгээд энэ хоёр хулгайчийн тухай ямар ч баримт байхгүй бөгөөд тэднийг аллаа гэхэд ямар ч асуудал гарахгүй юм.


Брэндон компанид ороод нэгэн морин тойруулгын газар ажилд оруулдаг. Уг ажил нь бооцоогоо алдаад төлбөрөө хийхгүй байгаа хүмүүсийг дарамтлах. Брэндонд компанид орсон хоёр зорилго байсан. Нэг нь найз Харригаа дагасан. Хоёр дахь нь түүний хайрт бүсгүй Мариатай уулзахыг хүссэн.


За за нэг мэдсэн бүгдэнг яриад өгөх гэж байна ш дээ. Цаашаа улам сонирхолтой болох бөгөөд  Брэндоны буудах чадвар, Харригийн хурц ухаанаар компанид тэр хоёр их нөлөөтэй болох боловч Харри Саятан компанийн тэргүүн болохын төлөө найз Брэндоноо алдаг. За ингээд өрнөөд байна даа. Брэндон булшинд орохоос өмнөх хэргүүд бол энэ байна. Булшнаас гарч ирсний дараа юу болох бол?!


Би маш товчхон өгүүллээ. Үүний цаана маш нарийн зүйлүүд байдаг. Учир хэргийн гогцоо нь анги бүрийг үзэх бүрт тайлагдан мөн шинээр шинэ нууцууд гарсаар байна.